Për blerjen e Man. Unitedit ofrohen 2.5 miliardë sterlina

Manchester, 27 dhjetor - Kompania nga Katari "Katar holdings" nuk heq dorë nga synimi për të blerë Manchester Unitedin, shkruan gazeta britanike “Mirror”.
Sipas kësaj gazeta, ekipi i avokatëve dhe brokerave të kësaj kompanie, pas së cilës qëndron familja mbretërore e Katarit dhe kryeministri i këtij vendi, Sheikh Hamad bin Jasim bin Jabar al-Thani, duhet të arrijnë këtë javë në Manchester për të biseduar me përfaqësuesit e familjes Glazer.
Amerikanë kanë hedhur poshtë ofertën prej 1.5 miliardë sterlina, por “Katar holdings” ka vendosur t’i përgjigjen këtij refuzimi me rritje të ofertës. Tani janë të gatshëm që për blerjen e “djajve të kuqë” të ofrojnë 2.5 miliardë sterlina.