Fëmijët flenë më pak nga kafeina

Pijet që përmbajnë kafeinë, siç janë lëngjet e gazuara dhe çaji, i konsumon çdo i dyti fëmijë i moshës 12-vjeçare, dhe kjo i pengon të flenë mirë, kanë treguar studimet e shkencëtarëve amerikanë nga Nebraska.

Ata kanë konfirmuar se konsumimi i kafeinës ndikon edhe në frekuencën e urinimit në krevat, njoftojnë agjencitë e lajmve.

Shkencëtarët erdhën deri te këto rezultate pas shqyrtimit të 200 fëmijëve të moshës 5-12 vjet dhe prindërve të tyre, për zakonet e lidhura me konsumimin e pijeve. Rezultati ka treguar se gjysma e fëmijëve pinë pije që përmbajnë kafeinë, dhe atë në sasi të mëdha, e më së shumti te pijet e gazuara.