Chelsea ofron 50 milionë euro për Kakan

Londër, 30 dhjetor - Ndërkohë që në Itali, tifozët e Interit shpresojnë për një rikthim në Milano të Kakas, në Angli e konsiderojnë të përfunduar kalimin e brazilianit tek Chelsea sezonin e ardhshëm.
Agjenti Ernesto Bronzetti, i kontaktuar nga ‘Daily Mail’, u shpreh për këtë çështje: “Mund të them që ka 90% mundësi që Kaka në sezonin tjetër të jetë pjesë e Chelseat dhe jo Inter.”
Bronzetti kishte deklaruar më parë se Kaka nuk do të largohej nga Real Madrid për më pak se 50 milionë euro dhe se ekipi londinez është i gatshëm të paguajë këtë shifër.
Kaka tashmë është rikuperuar nga dëmtimi që e mbajti 6 muaj jashtë fushave dhe pret që në ndeshjen e radhës ndaj Getafe në kampionat ose ndaj Levante në Kupën e Mbretit të luajë disa minuta.