Alarmi, duhani pasiv shkakton mijëra të vdekur

Studimi i OBSH-së për efektet e duhanit pasiv ka zbuluar se vret 600 mijë persona në Shuperka. Ligji parashikon mbrojtjen nga duhani pasiv


Duhanpirësit nuk dëmtojnë vetëm shëndetin e tyre, por edhe të njerëzve që i rrethojnë. Studimi i parë global realizuar nga Organizata Botërore e Shëndetësisë për efektet e duhanit pasiv ka zbuluar se ai vret 600 mijë persona në vit. Një e treta e këtyre viktimave janë fëmijë, shpesh herë të ekspozuar ndaj tymit të duhanit në shtëpitë e tyre. Në fakt, në vendin tonë u miratua ligji, i cili mbronte popullatën, pikërisht nga duhani pasiv, por, për fat të keq, ky ligj mbeti vetëm në letër. Specialisti i Institutit të Shëndetit Publik, Roland Shuperka, shpjegon për gazetën se duhani pasiv dëmton rëndë shëndetin, ndaj popullata duhet të jetë më e ndërgjegjësuar rreth këtij problemi.


Studimi
Studimi i OBSH-së, i kryer në 192 vende, zbuloi se duhani pasiv është jashtëzakonisht i rrezikshëm për fëmijët, pasi mund t'iu shkaktojë atyre sindromën e vdekjes, pneumoni dhe astmë. Studimi tregon gjithashtu se duhani pasiv shkakton sëmundje zemre, probleme me frymëmarrjen dhe kancer. "Kjo do të na ndihmojë ne të kuptojmë koston e vërtetë të duhanit", - ka deklaruar Armando Peruga, zyrtari i OBSH-së që drejtoi studimin.


Studimi i parë i realizuar mbi duhani pasive ka dalë në përfundimin se ky fenomen shkakton mbi 600 mijë viktima anekënd botës çdo vit. Një e treta e këtyre viktimave mësohet se janë fëmijë, shpesh të ekspozuar ndaj duhanit në shtëpi, thotë Organizata Ndërkombëtare e Shëndetësisë. Duke ditur rrezikshmërinë nga duhanpirja, specialisti i ISHP-së, Roland Shuperka, thekson se strategjia kombëtare kundra duhanit ka dy drejtime kryesore që është pikërisht mbrojtja e popullatës ndaj duhanpirjes pasive dhe reduktimi i numrit të duhanpirësve.


Në fakt, ligji, i cili ndalon duhanpirjen në ambientet e mbyllura ka dështuar, sepse në çdo lokal, spital dhe kudo në ambiente të mbyllura konsumohet duhan. "Përzierja e infeksioneve dhe duhani pasiv, rezulton të jetë një kombinim vdekjeprurës", - theksoi Peruga. Ekspozimi ndaj duhanpirjes pasive mendohet të ketë shkaktuar 379 mijë viktima nga problemet me zemrën, 165 mijë viktima nga problemet në frymëmarrje, 36 900 viktima nga astma dhe 21 400 viktima nga kanceri në mushkëri.


Fëmijët
Fëmijët duket se janë viktimat kryesore të duhanit pasiv. Studimi tregon se duhani pasiv është veçanërisht i rrezikshëm për fëmijët, të cilët rrezikohen nga sindromi i papritur i vdekjes foshnjore, pneumonia dhe astma. Duhanpirja pasive shkakton probleme me zemrën, probleme me sistemin e frymëmarrjes dhe kancer në mushkëri. "Kjo na ndihmon ne të kuptojmë numrin e vërtetë të viktimave nga duhani", - tha Armando Peruga, i Organizatës Botërore të Shëndetësisë. Si pajojë e problemeve në sistemin e frymëmarrjes të shkaktuara nga duhani, çdo vit humbin jetën 165 mijë fëmijë, shumica në pjesën e Azisë Juglindore dhe në Afrikë. Studimi thotë se ky grup është më i ekspozuar ndaj duhanit pasiv se çdo grup tjetër, kryesisht në shtëpitë e tyre.


Duhanpirësit nuk dëmtojnë vetëm shëndetin e tyre, por edhe të njerëzve që i rrethojnë.
Studimi i parë global nga OBSH-së tregon se duhani pasiv vret 600 mijë persona në vit
Një e treta e këtyre viktimave të duhanit pasiv sipas studimit të OBSH-së se janë fëmijë
Në vendin tonë u miratua ligji, i cili mbronte popullatën nga duhani pasiv, por nuk zbatohet