Çmimet e naftës, kërcënim për ekonominë

Çmimet e larta të nartës dhe rritja e mundshme gjatë vitit përbëjnë rrezikun më të madh për rimëkëmbjen e ekonomisë botërore në vitin 2011, të paktën sipas Agjensisë Ndërkombëtare të Energjisë.

Sipas BBC gjatë vitit të shkuar importi i naftës dhe gazit ka kushtuar 30 për qind më shtrenjtë se 2008-ta. Për vendet e zhvilluara kjo përkthehet me një ulje prej 0.5 për qind në rritjen e tyre.

”Nëse çmimi i naftës do të vazhdojë të rritet, do të prekë gjithçka, duke nisur nga bilanci tregtar, deri tek shpenzimet familjare”, deklaroi Fatih Birol, drejtuesi i Agjencisë.

Organizata e Vendeve Prodhuese të Naftës (OPEC) është shprehur e pashqetësuar për nivelin aktual të çmimeve dhe ka bërë me dije se nuk do të rrisë së shpejti nivelin e prodhimit.