Shpallet i pafajshëm… pas 30 vjetëve të kaluar në burg

Falë provave të ADN-së, një shtetas amerikan 51-vjeçar është liruar nga akuzat për përdhunim dhe grabitje nga viti 1979, për të cilat ka vuajtur dënim me burg më shumë se 30 vjet.
Gjykatësi i tha të martën Cornelio Duprees se tashmë ishte i lirë dhe pranoi gabimin e drejtësisë pas publikimit të testit të ADN-së.
“Fjalët nuk mund të kompensojnë atë që unë humba. Prindërit e mi kanë vdekur. Sistemi i drejtësisë duhet të ndryshojë”, u shpreh Dupree në një konferencë për shtyp pas seancës gjyqësore.
Cornelio Dupree u dënua me 75 vjet burg në vitin 1980 për sekuestrim, grabitje dhe përdhunim të një gruaje të bardhë 26-vjeçare.
Gruaja kishte gabuar në atë kohë duke treguar në fotot që ia kishte qitur përpara policia se Cornelio Dupree ishte agresori i saj.