Pepe një muaj jashtë fushës

Mbrojtësi portugez i Real Madridit, Pepe, pritet të qëndrojë jashtë fushës një muaj, pasi ka marrë një dëmtim të pulpës. Ai u lëndua në humbjen e së enjtes nga Levante në kuadër të Kupës së Spanjës me rezultatin 2:0. Pepe do t'i mungojë Realit në ndeshjet kundër Villarrealit, Almerias, Mallorcas dhe Osasunas. Reali përkundër disfatës prapë siguroi me lehtësi kalimin në çerekfinale të Kupës së Spanjës, pasi kishte fituar ndeshjen e parë me rezultatin 8:0.