Amauri - gjashtë javë jashtë fushës

Sulmuesi brazilian i Juventusit, Carvalho Amauri, do të qëndrojë jashtë fushe për gjashtë javë. Ai ka dëmtuar ligamentet e gjurit të majtë, përcjell faqja zyrtare e skuadrës torineze të premten. Pas analizave të bëra të premten, është konstatuar se lëndimi i Amaurit është serioz dhe se ai duhet të pauzojë së paku 40 deri në 50 ditë. Juventusi është duke shqyrtuar mundësinë që gjatë afatit kalimtar të janarit të përforcohet në repartin e sulmit, për shkak të problemeve në këtë repart.