Fundoset ngadalë shitja e CD-ve muzikore

Londër, 11 janar - Sipas të dhënave të fundit nga Britania e Madhe, duket se koha e CD-ve muzikore është duke perënduar. Ata që akoma preferojnë ndjenjën e vjetër të mirë fizike të posedimit të muzikës në vitin 2010 ishin për 12,4 për qind më pak, që pasqyron trendin e mëtejmë të zvogëlimit të numrit të blerësve të interesuar kundrejt zgjedhjes gjithnjë më të madhe të muzikës online. Në vitin 2009 shitja ishte për 6,9 për qind më e ulët se një vit më parë.
Deri diku kjo rënie është “mbuluar” nga interesimi më i madh për muzikën digjitale, por edhe pse shitja e albumeve digjitale është rritur për madje 30,6 për qind, që tregon se ku kanë shkuar blerësit e CD-ve, megjithatë qarkullimi i përgjithshëm nga shitja e albumeve muzikore është më i ulët për 7 për qind në krahasim me një vit më parë. Krejt meseleja e zhdukjes së albumeve të paketuara më së shumti është theksuar në mënyrën e blerjes, sepse njerëzit janë shumë më të prirë që të paguajnë për ndonjë hit individual sesa për albumin në tërësi – shitja e singleve është rritur për 6 për qind në krahasim me një vit më parë, ndërsa qarkullimi i singleve tejkalon pothuajse dyfish qarkullimin nga shitja e albumeve digjitale.