Shitja e telefonave mobil në botë ngritet 19 për qind

**WebMaster** **Postime** : 9044

Kompania për hulumtime “Gartner” njofton se shitja e celularëve në
botë gjatë tremujorit të parë të këtij viti është rritur 19 për qind në
nivel vjetor, ndërsa dinamikën e këtij tregu para se gjithash e kanë
siguruar modelet “smartfon”, ose telefonat e “mençur”.
Në botë gjatë tremujorit të parë të këtij viti janë shitur 427,8 milionë
telefona mobilë, në të cilën “smartfonët” marrin pjesë me 23,6 për
qind, duke iu falënderuar rritjes së shitjes prej 85 për qind në
periudhën ndërmjet tremujorit të parë të vitit 2010 dhe tremujorit të
parë të vitit 2011, njoftojnë mediat elektronike franceze.
Analistët e “Gartner” konsiderojnë se rritja ka mund të jetë më e madhe
sikur furnizues të caktuar të mos paralajmëronin lansimin e një numri më
të madh të aparateve në tremujorin e dytë, gjë e cila ka ndikuar që
disa klientë të shtyjnë blerjen.
Kompania finlandeze “Nokia” në tremujorin e parë ka shitur 107,6 milionë
telefona mobilë, kështu që pjesa e saj në treg ka rrëshqitur në 25,1
për qind.
Pason “LG” nga Koreja Jugore me rënie nga 7,6 në 5,6 për qind. Më së
shumti ka përparuar kompania amerikane “Apple” me 16,88 milionë I-phone
të shitur dhe në tregun e shitjes ka shënuar ngritje nga 2,3 për qind në
3,9 për qind.
“RIM” nga Kanada me “Blackberry” ka mbajtur në treg pjesën prej 3 për
qind, para “ZTE” e cila ka shënuar ngritje nga 1,7 në 2,3 për qind dhe
HTC që ka shënuar rritje nga 0,9 për qind në 2,2 për qind.
“Motorola” ka shënuar rënie nga 2,7 për qind në 2,1 për qind, si dhe “Sony-Ericsson” nga 2,7 për qind në 1,9 për qind.
“Smartfon”-at, të cilët i ka lëshuar sistemi operativ i “Google”,
“Android”-i është rritur për një vit nga 9,6 për qind në 36 për qind,
ndërsa ata që punojnë në sistemin “Simbian” ka rënë nga 44,2 për qind në
27,4 për qind.
“Apple” dhe sistemi i tij “iOS” në “Smartfon” janë gjetur para “RIM” me 16,8 për qind, derisa pjesa e “RIM” ishte 12,9 për qind.

» Android merr 25.5 për qind të tregut të telefonave
» Fundoset ngadalë shitja e CD-ve muzikore
» IPKO me modelet më të reja të telefonave të mençur?
» Apple prodhuesi i katërt më i madh i telefonave të mençur
» Filloi shitja e cigareve pa tym