Android merr 25.5 për qind të tregut të telefonave

Popullariteti i Google Android po vazhdon të rritet. Kompania e hulumtimeve Gartner së fundmi ka publikuar raportin e saj të telefonave të mençur mobil për çerekun e tretë të vitit, dhe sipas këtij raporti thuhet se Android përbën 25.5 për qind të tregut të telefonave të mençur mobil në botë.
Sistemi operativ i kompanisë Google, Android tani radhitet si sistemi i dytë operativ për nga popullariteti që ka tek përdoruesit, dhe i njëjti është rritur për 3.9 për qind me pjesëmarrje në treg, që megjithatë është një shifër e lakmueshme.