Ronaldinhon e presin 20 mijë tifozë të Flamengos

Rio de Janeiro, 13 janar – Një pritje e paparë për një futbollist është organizuar në stadiumin e Flamengos me rastin e promovimit të yllit më të madh të klubit, Ronaldinho.
“Kam menduar për shumë mënyra sesi do të dukej kthimi im në Brazil, por asnjëra nga variantet nuk dukej si ajo që përjetova nga tifozët. Ky është një moment shumë emocionues për mua. Kurrë nuk jam ndjerë aq i motivuar që t’i tregojë dikujt se çka mundem. Mezi pres të luaj për Flamengon në fanellën me numrin 10”, ka deklaruar Ronaldinho në konferencën për shtyp pas promovimit.
Ish-lojtari i Milanit ka konfirmuar se një nga arsyet e kthimit të tij në futbollin brazilian është se dëshiron të luajë për ekipin kombëtar në Botërorin 2014.