Shkup, viktima e tretë nga gripi

Në klinikën infektive në Shkup ka ndërruar jetë një 22 vjeçare, e cila është viktima e tretë e gripit sezonal të llojit B.

Sipas mjekëve të klinikës, vajza nuk kishte ardhur në kohë në spital, ndërsa pasojat nga sëmundja i kishte më shumë se 10 ditë.

Në Maqedoni, deri tash janë regjistruar më shumë se 2.000 raste të gripit nga fundi i dhjetorit.

Sipas mjekëve, në klinikën infektive është raportuar edhe një rast i infektimit me virusin H1N1.