Beqaj e Buja, “viktima” të riformatizimit?

Kreu ekzekutiv i vendit ka vendosur që në shtator të ridizajnojë Qeverinë. Marrëveshja e nënshkruar nga dy partnerët kryesor të koalicionit parasheh ndarjen edhe të dy ministrive AKR-së.

Burimet e gazetës “InfoPress” përbrenda koalicionit qeverisës kanë thënë se Ministria e Zhvillimit Ekonomik, që drejtohet nga Besim Beqaj, dhe ajo e Arsimit nga Ramë Buja, janë në diskutim për t’iu kaluar AKR-së në shtator.

Ministrinë e Zhvillimit Ekonomik do ta drejtojë Muhanmet Mustafa nga radhët e AKR-së, kurse Ministrinë e Arsimit pritet që ta drejtojë Ibrahim Gashi që aktualisht është zëvendësministër i Jashtëm.

Sipas të njëjtit burim, me këtë ridizajnim të qeverisë edhe Partia e Drejtësisë do të marr postin e zëvendësministrit të Arsimit, në të cilin pritet të emërohet Feri Mehdiu. /Telegrafi./