Vetëvendosje: Mitrovica e pandashme, e shqiptarëve

Derisa Mitrovica të mbetet e ndarë dhe e pazhvilluar, Kosova do të mbetet e tillë, tha të premten Albin Kurti tubimin që Lëvizja Vetëvendosje ka mbajtur në Shtëpinë e Kulturës “Rexhep Mitrovica”, në Mitrovicë. Dy ditë para rivotimit që do të mbahet në këtë komunë, për zgjedhjet parlamentare, Kurti tha para simpatizantëve të shumtë të Vetëvendosjes prezantoi edhe programin e lëvizjes së tij për bashkimin e Mitrovicës.

Ai tha se programin qartë shpjegon se si duhet bërë integrimi i veriut, në bazë të cilit pushteti i Vetëvendosjes do t’i rivendosë policët dhe doganat e Republikës së Kosovës në pikat doganore 1 dhe 31.

“Nuk do të lejojë që Serbia të blejë prona të shqiptarëve, e nëse paraqiten raste kur shqiptarët detyrohen t’i shesin ato do t’i blejë Qeveria e Kosovës, do të hap stacione e nënstacione policore në veri me policë shqiptarë, profesionistë e patriot, e jo me policë serbë me dy bexha, një të MUP-it serb e një të Policisë së Kosovës”.

Kurti i ftoi qytetarët e Mitrovicës që më 23 janar të bëjnë korrigjimin e vjedhjes sic tha ai më masive të votës në Kosovën e pasluftës, duke votuar Lëvizjen Vetëvendosje me numër 40.