Edhe Mitrovica në rivotim

Komunës së Skenderajt, Drenasit dhe Deçanit shumë shpejt pritet t’i bashkëngjitet në rivotim edhe Mitrovica, njëra nga qendrat mëdha të Kosovës.

Burime brenda Komisionit Qendror të Zgjedhjeve kanë bërë të ditur se në së paku 24 qendra të votimit në Mitrovicë do të shkohet në rivotim, nga gjithsej 29 sa ka kjo komunë.

“Për shkak të parregullsive të evidentuara pas rinumërimit të pjesshëm të votave, është marrë vendimi që në 24 qendra të votimit, nga 29 gjithsejtë në këtë komunë të shkohet në rivotim”, ka thënë ky burim.

Po ashtu është bërë e ditur se Mitrovica mund të shkojë në rivotime më 16 janar, një javë pas mbajtjes së zgjedhjeve në Skenderaj, Drenas, Deçan, Lipjan e Malishevë.

Në anën tjetër, KQZ-ja nuk ka dhënë informacione nëse Mitrovica do të shkojë në rivotime. “Nuk kam kurrfarë informacione se çka do të ndodhë me Mitrovicën sa i përket rivotimit”, ka thënë një zyrtarë i KQZ-së.