BE po na mundëson që të mos e njohim Kosovën

Ministri i Punëve të Brendshme në Qeverinë e Serbisë, Ivica Dacic ka thënë se Serbia dëshiron që të arrihet marrëveshje konkrete në çështjen e Kosovës, në mënyrë që sipas tij kjo të mos jetë më problem në rrugën e Serbisë drejt integrimit në Bashkimin Evropian.

Dacic ka rikujtuar se për shkak të mos njohjes nga pesë vendet anëtare të BE-së, ky institucion nuk po mund ta kushtëzoi Serbinë, që ta njohë pavarësinë e Kosovës, njofton Indeksonline.

“Serbia dëshiron që të arrijë marrëveshje historike me shqiptarët, në mënyrë që njëherë e përgjithmonë kjo çështje të mbyllet, dhe të mos ketë pengesa për Serbinë drejt integrimin në BE”, tha ai.