NDI do të vazhdojë të përkrahë Kosovën

Presidentja e Republikës së Kosovës, Atifete Jahjaga, u takua të
premten në Vilnius të Lituanisë me drejtorin e Instituti Nacional
Demokratik (NDI), Kenneth Wollack.Presidentja Jahjaga
falënderoi Wollack-un për kontributin e madh që Instituti Nacional
Demokratik ka dhënë dhe po vazhdon të japë për Kosovën, përfshirë
përkrahjen e madhe për Kuvendin e Kosovës, si dhe përkrahjen në procesin
e ndryshimit të Kushtetutës dhe të Ligjit zgjedhor.
Nga ana e tij, Wollack përgëzoi presidenten Jahjaga për zgjedhjen e
saj në krye të vendit, e uroi atë për punë të suksesshme dhe u shpreh se
institucioni që ai drejton do të vazhdojë ta përkrahë Kosovën.
Jahjaga në Lituani po merr pjesë në punimet konferenca “Gratë
përforcojnë demokracinë: praktikat më të mira”, ku përveç kësaj ka pasur
edhe takime me zyrtarë të lartë të shumë shteteve të botës. /Telegrafi/