Serbët duan të vazhdojë pavarësia e mbikëqyrur

Deputetët serbë në Kuvendin e Kosovës nuk pajtohen me liderët e institucioneve se me ndryshimet kushtetuese që kanë nisur, si proces, duhet t’i jepet fund edhe fazës së mbikëqyrjes ndërkombëtare.

Sipas përfaqësuesve serbë, ende nuk janë krijuar kushtet që mbikëqyrja ndërkombëtare të përfundojë, pasi që në Kosovë ende mungon stabiliteti politik, raporton Radio Evropa e Lirë.

Udhëheqësit kosovarë tashmë kanë iniciuar fillimin e ndryshimeve kushtetuese, pas së cilave është thënë se do të pasojë edhe përmbyllja e mbikëqyrjes ndërkombëtare të pavarësisë.

Por, një konstatim i tillë nuk pëlqehet nga përfaqësuesit serbë në Kuvendin e Kosovës.
Petar Miletic, sekretar i përgjithshëm i Partisë Liberale Serbe, parti kjo që drejton edhe dy ministri në Qeveri, thotë se ende nuk janë pjekur kushtet që mbikëqyrja ndërkombëtare të marrë fund, ngase, sipas tij, ende ka çështje të pazgjidhura.

“Misionet ndërkombëtare në Kosovë janë të domosdoshme në mënyrë që të jenë garantues të të gjitha marrëveshjeve të arritura me ne, si dhe marrëveshjeve që do të arrihen në të ardhmen”, ka thënë Miletic.

Prania ndërkombëtare, shihet e domosdoshme edhe nga deputetja Rada Trajkovic, nga Lista e Përbashkët Serbe. Sipas saj, largimin e ndërkombëtarëve nga Kosova do ta dëshironin, siç thotë ajo, si ekstremistët serbë, ashtu edhe ata shqiptarë.

“Mendoj se prania ndërkombëtare është edhe më tutje mjaft e nevojshme dhe kjo për disa arsye. Mendoj se Kosova ende nuk ka hyrë në fazën e stabilitetit. Do të thotë, nuk kemi gjendje stabile politike. Pastaj nuk ka aftësi për organizimin e proceseve të mëdha dhe kjo u pa se si u mbajtën zgjedhjet dhe çfarë vjedhjesh ndodhën, si dhe nuk mendojmë se regjistrimi i popullatës, që u mbajt së voni, i përgjigjet realitetit”, ka thënë Trajkovic.

Ndryshimet kushtetuese nga lidershipi i Kosovës janë parë si mundësi e mirë që t’i jepet fund mbikëqyrjes ndërkombëtare. Por, në bazë të Pakos së Ahtisaarit fundin e kësaj mbikëqyrjeje, megjithatë, nuk mund ta përcaktojnë institucionet e Kosovës, ngase këtë përgjegjësi e ka Grupi Drejtues Ndërkombëtar, i cili përbëhet nga vendet e BE-së, që e kanë njohur Kosovën, pastaj nga SHBA-të dhe Turqia. /Telegrafi/

A shumm po lypin! A zhduken naj here kta more Zot !!

dr.Delfina shkruajti:

A shumm po lypin! A zhduken naj here kta more Zot !!

kta jon si fara e koprivave kuurrrr nuk zhduken

F.G™ shkruajti:

dr.Delfina shkruajti:

A shumm po lypin! A zhduken naj here kta more Zot !!

kta jon si fara e koprivave kuurrrr nuk zhduken

Emoo !!