Australia dhe Koreja Jugore në gjysmëfinale

Doha, 23 janar – Përfaqësuesja e Australisë u kualifikua për në gjysmëfinale të Kupës së Azisë në Doha, duke mundur Irakun pas vazhdimit prej 30 minutave. Në ndeshjen e dytë, ndërkaq, Koreja Jugore mundi Iranin, gjithashtu pas vazhdimit prej 30 minutave. Në gjysmëfinale Australia do të takohet me Uzbekistanin, kurse Koreja Jugore me Japoninë.
Në ndeshjen kundër kampionit të fundit të Kupës së Azisë, përfaqësueses së Irakut, Australia arrti të shënojë me anë të Harry Kewell (lojtar i Galatasarayt) pak para përfundimit të ndeshjes dramatike që zgjati 120 minuta.
Për Korenë e Jugut, ndërkaq, golin e vetëm në ndeshje e shënoi Yoon Bit Ga Ram, në minutën 105 të ndeshjes.