Lorenzo fiton në Francë

Ngasësi i Yamahas, Jorge Lorenzo, ka rritur diferencën në renditje me nëntë pikë, pas fitores në French MotoGP në Le Mans.
Lorenzo arriti që nga vendi i dytë të tejkalojë Valentino Rossin për të fituar pas 44 minutash e 29.114 sekondash, që njëherit ishte hera e parë në karrierë që fitonte dy herë radhazi.

Menjëherë pas 23-vjeçarit u rendit Valentino Rossi (Yamaha), teksa në pesë pozitat e para u përfshinë Dovizioso (Honda), Hayden (Ducati) dhe Pedrosa (Honda)

Pas kësaj fitoreje, spanjolli ka 70 pikë, nëntë më shumë se kampioni në fuqi Rossi.

Renditja e përgjithshme e ngasësve:

1. J. Lorenzo (Spa) Yamaha 70 pikë
2. V. Rossi (Ita) Yamaha 61 pikë
3. A. Dovizioso (Ita) Honda 42 pikë
4. D. Pedrosa (Spa) Honda 40 pikë
5. N. Hayden (US) Ducati 39 pikë