Danimarka, “kryeqyteti” i botës për kancer

Danimarka është “kryeqyteti” i botës për kancer, teksa çdo vit nga 100 mijë persona 326 preken nga kjo sëmundje.
Sipas një lajmi në “Daily Telegraph”, thuhet se numri i madh i sëmundjeve të kancerit në vend lidhet ngushtë me mundësitë më të mira diagnostikuese në krahasim me vendet e tjera si dhe me stilin e jetesës.

Gjithashtu, theksohet se konsumimi i tepërt i cigares nga femrat dhe rastet e shumta të konsumit të alkoolit, ndikojnë shumë në shfaqjen e kancerit.

Sipas të dhënave të Fondit Botëror të Kërkimit për Kancerin shihet se mesatarja e shfaqjes së kancerit tek shtetet e zhvilluara është më e lartë se tek vendet e pazhvilluara. 13 shtete të Evropës, SHBA-ja, Kanadaja, Australia dhe Zelanda e Re zënë vend në mes të 20 shteteve të para për sa i përket shifrave të larta të shfaqjes së kancerit.

Krahas përcaktimit të një diagnoze, në mes të faktorëve ndikues radhiten dhe shtimi i obezitetit, konsumi i lartë i alkoolit dhe mungesa e aktivitetit fizik.

“Shifrat e larta të kancerit në Angli, Danimarkë dhe vende tjera me një standard të lartë jetese nuk janë të pakorrigjueshme dhe me ndihmën e ndryshimeve që mund të bëhen në stilin e jetesës, mund të kemi përmirësim. Shkencëtarët pohojnë se me një peshë të shëndetshme, aktivitet fizik dhe një ushqyerje të shëndetshme mund të parandalohen një e treta e rasteve më të shpeshta të shfaqjes së kancerit në vendet e zhvilluara”, u shpreh Prof. Martin Wiseman nga Fondi i Kërkimit për Kancerin