Suarezi kalon në Liverpool

Liverpool, 28 janar - Sulmuesi uruguaian, Luis Suarez është lojtari më i ri i Liverpoolit. 23-vjeçari pritet të nënshkruajë nesër kontratën me “The Reds”.Lajmin e ka konfirmuar zyrtarisht pasditen e sotme klubi anglez përmes një komunikimi në faqen e internetit.

Sipas njoftimit, marrëveshja me holandezët e Ajaxit është arritur mbi bazën e 26.5 milionë eurove (23 milionë funte) dhe pritet që nesër futbollisti të kryejë vizitat mjekësore me klubin e ri.

“Tashmë klubit i është dhënë leje nga Ajaxi për të diskutuar mbi kushtet e kontratës me lojtarin dhe përfaqësuesit e tij”, thuhet në komunikatën e Liverpulit.