Redknapp: Bale, boshti i Spursave

Menaxheri i Tottenham Hotspur, Harry Redknapp, ka deklaruar se nuk dëshiron ta shesë lojtarin kryesor Gareth Bale, pasi që largimi i tij do të thoshte dështim për klubin.

Redknapp ka thënë për Absolute Radio se shitja e Bale nga Tottenhami do të ishte si West Hami kur e shiti Rio Ferdinandin dhe ky ishte “fillimi i fundit” për atë skuadër, pasi që pas tij u larguan edhe Frank Lampard dhe Joe Cole dhe ekipi humbi ambiciet.

“Ne duhet ta mbajmë atë këtu sa më gjatë që mundemi dhe të ndërtojmë një skuadër rreth tij, pasi ai është një lojtar klasi, është nga ata njerëz që duhet t’i mbash”, ka thënë trajneri.