Mourinho dëshiron Gerrardin për sezonin e ardhshëm

Trajneri i Real Madridit, Jose Mourinho, dëshiron të sjellë kapitenin e Liverpoolit, Steven Gerrard, në Spanjë gjatë verës.

Sport shkruan se nëse Mourinho qëndron në Real, ai do të nxitë presidentin Florentino Perez të transferojë Gerrardin në muajin qershor. Mourinho ka qenë në kërkim të Gerrard që kur ka qenë në drejtim të Chelseat dhe mendon se me shitjen e Fernando Torres, mesfushori mund të mendojë të ardhmen e tij.

Pasi kërkoi nga Florentino të sjellë Emmanuel Adebayor nga Manchester City, Mourinho ndjehet se tash ka më shumë ndikim në transferime dhe do të mundohet të sjellë Gerrard gjatë verës.

Mourinho beson se Gerrard, 30-vjeçar, do të mund të lejohet të largohet nga Liverpool për 30 milionë euro.