Mourinho pret Real më të fuqishëm sezonin e ardhshëm

Trajneri i Real Madridit, Jose Mourinho, ka deklaruar se siguria e punës së tij për sezonin e ardhshëm nuk varet nga ajo nëse klubi fiton tituj këtë sezon, por të kalojë pa fituar asgjë është vështirë e pranueshme për të.

“Të përfundoj sezonin pa asnjë titull do të jetë një goditje e dhimbshme. Veçanërisht për fansat e vërtetë, të cilët janë mësuar me fitore të mëdha. Por ne gjithmonë iu adaptohemi rrethanave dhe fakteve”.

“Zhvillimi natyral i ekipit do të thotë se nuk ka tituj të fituar në fillim. Është një qark i madh që shpresoj se do të sjellë shumë fitore të mëdha”.

“Sezonin e ardhshëm pres shumë më shumë se sa që kemi treguar këtë vit. Unë dhe lojtarët tash mendojmë ngjashëm dhe kemi të njëjtën filozofi të ndeshjes që unë dua”, ka thënë Mourinho.