Luiz i ngazëllyer me transferimin te Chelsea

David Luiz shprehet të jetë i ngazëllyer që do të luajë për një klub të madh anglez siç është Chelsea, pasi u transferua nga Benfica për një shumë prej 25 milionë funte.

“Jam i ngazëllyer që do t’i bashkohem një klubi të madh anglez dhe e di shumë mirë kualitetin që ka Chelsea. Është një sfidë e madhe për mua, por jam i vendosur dhe besoj në aftësitë e mia t’i përshtatem kësaj lige të shkëlqyeshme, dhe mezi pres të takoj bashkë-lojtarët e mi të ri”, ka thënë braziliani.

Luiz nuk do të jetë në gjendje të luajë në Ligën e Kampionëve për Blutë për shkak se është paraqitur me Benfican këtë sezon.