Turqia inkurajon investimet në Kosovë

Republika e Kosovës dhe e Turqisë janë të interesuara për zhvillimin dhe thellimin e mëtejmë të bashkëpunimit, u tha gjatë një takimi që ministri i integrimeve evropiane, Besim Beqaj kishte me ambasadoren e Republikës së Turqisë në Kosovë, Songul Ozan.

Ministri Beqaj theksoi se Turqia është duke luajtur një rol të rëndësishëm duke mbështetur Kosovën

“Kosova i ka përmbushur parakushtet për marrjen e strategjisë për liberalizimin e vizave”, theksoi ministri Beqaj, duke folur për përcaktimin e institucioneve të vendit në realizimin e parakushteve në procesin e integrimit evropian, i cili është prioritet kombëtar i Kosovës.

Ambasadorja turke në Kosovë, Songul Ozan tha se Turqia është duke i inkurajuar investitorët e vet më të mëdhenj për të investuar në Kosovë, në mënyrë që të bëhet e mundur hapja e vendeve të reja të punës.