Kek: Shqipëria test për Slloveninë

Trajneri i kombëtares sllovene, Matjaz Kek, thotë se ndeshja miqësore ndaj Shqipërisë do të jetë një stërvitje dhe test për të parë formën në prag të përballjeve eliminatore për Euro 2012 përballë Italisë dhe Irlandën e Veriut.

Kuqezinjtë presin Slloveninë në "Qemal Stafa" në miqësoren e 9 shkurtit pas të cilës Shqipëria do të përballet me Bjellorusinë më 26 mars, ndërsa sllovenët do të përballen me Italisë më 25 mars dhe me Irlandën e Veriut më 29 mars.

“Ndaj Shqipërisë do të luajmë ndeshjen e parë të vitit, para se të përballemi në kualifikuese me Italinë dhe Irlandën e Veriut”.

“Do të na vlejë shumë për të parë formën e çdo futbollisti. Disa i janë kthyer ritmit të plotë, ndërsa shumë të tjerë vijojnë përgatitjet. Në listë përfshihem tre emra të rinj: portieri Vid Belec dhe mbrojtësit Sinisha Anxhelkoviç dhe Mitja Vilder”, ka thënë Kek, siç përcjell Sporti Shqiptar.