Fjala e Xhelal Sveçlës te varri i Mon Balajt

I dashur Mon! Dua të ta lexoj këtë letër se s’do mundem pa u ligështu. Prej
se jemi takuar kështu të gjithë së bashku para një viti kanë ndodhur
shumë gjëra. Humbëm shokë, bacën Ali e Metin. Por po ashtu plot shokë
na janë bashkuar. Shumë prej tyre janë të rinj. Mon o
vllau jonë, tash më shumë se kurrë po vërtetohet se qëllimi yt, i
Arbenit, e poashtu edhe i Zenelit, Mustafës e Hysniut, i qindra të
plagosurve dhe i mijëra demonstruesve të asaj dite ishte dhe vazhdon të
jetë i drejtë e i vërtetë. Sakrifica juaj është betimi për të ardhmen. Duan të na çojnë sërish në negociata, duan sërish ta sakatojnë Kosovën. Por
ti mos u bëj merak, sepse jemi më të fuqishëm se çdoherë. Dhjetra
mijëra demonstruesve të 10 shkurtit i janë bashkuar edhe dhjetëra mijëra
të tjerë. Sa herë po bien dëshmorë aq herë po shpresohet
që të mos ketë më nevojë për dëshmorë të tjerë. Por, e ardhmja në liri e
një vendi çdo herë paska nevojë për dëshmorë të rinj. Ju
bën të fala edhe dëshmorëve të tjerë, u thuj se qëllimi ynë për
vetëvendosje ende nuk është arritur, por po ashtu u thuaj se ecja jonë
përpara po vazhdon me më shumë vrull, me më shumë vendosmëri, sepse siç
thamë atë ditë: ne nuk do të ndalemi drejt vetëvendosjes, deri në
vetëvendosje.