Vaksina shpresëdhënëse kundër sidës

Londër, 12 shkurt - Rezultate mjaft inkurajuese vijnë nga rezultatet e testimeve të një grupi të shkencëtarëve spanjollë lidhur me vaksinën potenciale kundër virusit HIV.
Bëhet fjalë për vaksinën, e cila, edhe pse nuk garanton shërimin e pacientëve, në masë të madhe zvogëlon sasinë e virusit te personat e infektuar.
Te pacientët, të cilëve u është injektuar vaksina gjatë testimit, pas 24 javësh nga koha e injektimit, është vërejtur zvogëlim i madh i sasisë së virusit të pranishëm në organizmin e tyre.
Vaksina është tri herë më e lirë dhe më e lehtë për t’u përdorur sesa terapitë e zakonshme antivirale për këtë sëmundje vdekjeprurëse.