Dyvjeçari pi 40 cigare në ditë

Dyvjeçari pi 40 cigare në ditë


Ardi Rizal për herë të parë ndezi cigaren kur ishte vetëm
një vit e gjysmë. Babai i tij, Mohammedi (30 vjeç) një tregtar i
peshkut, ia dha cigaren e parë, ndërsa Ardi tash është bërë i varur nga
duhani.
Djaloshi nga Musi Banyuasin në Sumatra pëlqen vetëm
një lloj cigaresh dhe për çdo ditë pi nga 40 cigare, që prindërve të tij
i kushton 3.70 paund në ditë, në krahinën ku rroga mesatare është vetëm
69 paund.
Dyvjeçari që tash peshon gati 26 kilogramë dhe nuk është në gjendje
të vrapojë e të luajë me bashkëmoshatarët e vet. Tërë ditën shëtitet me
biçikletë dhe i pëlqen të lëshojë shtëllunga tymi nga cigaret.
Nëna e djaloshit Diana, e cila u përpoq ta bindë të birin ta lë
duhanin thotë: “Është i varur nga duhani. Nëse nuk pi duhan, bëhet
nervoz, fillon të bërtasë dhe ta godasë murin me kokë. Thotë se nuk
ndihet mirë dhe ka marramendje”.
Autoritetet në këtë rajon i premtuan prindërve se do tua blejnë një
automobil nëse ia mbushin mendjen djalit të tyre ta lë duhanin, por
babai i tij thotë “mua më duket se nuk është asgjë e rrezikshme, se di
pse po ë bëjnë problem këtë punë”.