Pesë mënyra për të larguar tymin e duhanit

Londër, 1 mars - Askush nuk pëlqen të ulet në hapësirën e tymosur, ku të zihet fryma, pa marrë parasysh a bëhet fjalë për duhanpirës apo joduhanpirës. Nëse keni pasur mysafirë pas të cilëve ju ka mbetur në shtëpi tymi i duhanit, provoni disa nga truket vijuese dhe largoni aromën e duhanit menjëherë.

Uthulla dhe qymyri aktiv
Në disa enë të vogla hidhni pak uthull vere apo vëni një copëz të qymyrit aktiv dhe lërini në hapësirën ku është pirë duhan. Thëngjilli dhe uthulla absorbojnë dhe neutralizojnë aromat e pakëndshme, e vetmja gjë për të cilën duhet të keni kujdes është t’i mbani larg nga qasja e fëmijëve.

Freskuesit në qese
Rrobat dhe flokët më së shpejti e thithin tymin e duhanit, por nëse tashmë ka ndodhur që xhaketa, shalli dhe dorezat të kenë qenë në hapësirën e tymosur, së pari ajrosni mirë, dhe pastaj lëreni të qëndrojnë gjatë natës në qesen plastike ku keni lënë palloma aromatike apo freskues në qese që zakonisht i mbani në dollap.

Rëra e maceve
Në tavlla hidhni pak rërë të zakonshme apo nëse gjeni rërë aromatike për mace. Rëra do të largojë tërësisht aromën e pakëndshme të bishtave të cigareve, dhe më lehtë do të pastroni tavllën.

Soda e bukës
Tymi i cigareve rri gjatë në perde, mobilie, madje edhe në qilima. Provoni që në mbrëmje para se të shkoni për të fjetur të hidhni pak sodë buke nëpër tepih, në garniturën për ulje dhe perde, dhe pastaj në mëngjes fshini me thithëse tërë hapësirën.

Peshqiri dhe uthulla
Së pari ajrosni hapësirën dhe pastaj zhyteni peshqirin apo ndonjë leckë të kuzhinës në uthull. E shtrydhni peshqirin dhe e valëvitni disa herë nëpër hapësirë. Edhe pse tingëllon qesharake në mënyrë efikasve i largon aromat e pakëndshme.