Çaji ndihmon punën e trurit dhe çlodhjen

Londër, 4 mars - Përbërësit aktivë natyrorë, siç janë aminoacidi L, teanina dhe kafeina, përmirësojnë koncentrimin dhe lehtësojnë përballimin e detyrave kognitive, ka zbuluar një hulumtim.
Përbërësit aktivë në çaj rrisin koncentrimin dhe shpejtësinë e të menduarit, ka treguar një hulumtim holandez. Vullnetarët, pas pirjes së një filxhani me çaj, dukshëm më shpejtë dhe me saktësi më të madhe kanë zgjidhur fjalëkryqet sesa grupi kontrollues, i cili nuk ka pirë çaj. Dobitë e çajit dalin nga teanina L, aminoacidi i cili mund të gjendet në çaj të gjelbër dhe kafeina e cila gjendet gati në të gjitha llojet e kësaj pije të shëndetshme.

Doza e shëndetit
Shkencëtarët kanë zbuluar që një filxhan çaj po ashtu largon lodhjen e të anketuarve, dhe ngrit koncentrimin e tyre gjatë detyrave kognitive kërkuese. Studimet e mëhershme kanë lidhur pirjen e çajit me rrezikun më të vogël të infarktit, kancerit dhe sëmundjes së Parkinsonit, dhe është treguar se pirja afatgjate rrit dendësinë e kockave. Për rritjen e të gjitha dobive nga çaji, ideale është doza katër filxhanë në ditë, këshillojnë ekspertët.