Një mijë ushtarë sauditë arrijnë në Bahrejn

Riad, 14 mars - Një zyrtar i Arabisë Saudite tha se rreth 1 mijë ushtarë sauditë kanë hyrë në Bahrejn për t’i mbrojtur objektet qeveritare pas trazirave të fundit.
Zyrtari i paemëruar tha se trupat hynë përmes rrugës së ngritur që lidh ujdhesën e Bahrejnit me Saudinë.
Ai tha se kontingjenti saudit ishte “pjesë e forcës së Këshillit për Bashkëpunim të Gjirit, që do t’i mbrojë objektet qeveritare”, transmeton REL.
Më herët mediet raportuan se Bahrejni ka ftuar forcat nga vendet fqinje për të ndihmuar të rivendosë rendin.
Mbretëria e Bahrejnit është kapluar nga trazirat e frymëzuara nga kryengritjet në Tunizi dhe Egjipt.