Plagosen dy ushtarë gjermanë në Afganistan

Si pasojë e një sulmi ndaj një konvoji në Kundus të Afganistanit janë plagosur dy ushtarë gjermanë, njëri prej tyre rëndë. Këto të dhëna i ka konfirmuar komanda e Bundesverit.
Sipas të dhënave të deritanishme, shpërthimi ka ndodhur në rajonin Char Darah. Në informacionet e para thuhet se përgjegjësinë për këtë sulm e kanë marrë talibanët, por këto të dhëna ende nuk janë konfirmuar prej Bundesverit.

Sulme të reja në Afganistan:

Në Afganistan është kryer sërish një sulm me helm në një shkollë vajzash. 50 nxënëse janë dërguar menjëherë pas sulmit në spital, u shpreh policia e qytetit të prekur Ghasi në jug të vendit.

Vajzat kishin nuhatur në fillim gaz, disa prej tyre ranë pak çaste më vonë pa ndjenja. Sulme të ngjashme ndodhën përpara pak kohësh edhe në kryeqytetin Kabul si edhe në provincën e Kundusit.

Autoritetet qeveritare bëjnë përgjegjës për këto sulme rebelët radikalë-islamikë, të cilët përpiqen kështu t'i ndalojnë vajzat për të shkuar në shkollë. Sidoqoftë talebanët janë shprehur se nuk kanë lidhje me këto atentate.

Gjithashtu pranë qytetit Ghasi gjatë së shtunës u vra një ushtar polak nga një shpërthim. Në Kundus humbi jetën një ushtar amerikan nga një minë që ishte fshehur në rrugë. Në Kandahar u vranë nga shpërthimi i një bombe 5 ushtarë afganë.

/DW/