Futbollistët e Eintrachtit rrihen në stërvitje

Frankfurt, 17 mars – Të mërkurën, në stërvitjen e futbollistëve të Eintrachtit nga Frankfurti janë përleshur fizikisht Georgios Tzavellas dhe Maik Franz, dhe atë tre herë.
E gjitha filloi me një ndërhyrje të ashpër të Franzit ndaj mbrojtësit grek, i cili iu përgjigj me një goditje të fortë në gjoks.
Trajneri i Eintrachtit e ndërpreu stërvitjen dhe i dërgoi të gjithë futbollistët në vrapim.
Franz është i njohur si njëri nga futbollistët më të urryer në Bundesligë. Tzavellas është golashënuesi i golit të vetëm të ekipit nga Frankfurti më 2011. Golin e shënoi vikendin e kaluar në përballjen kundër Schalkes, nga 73 metra largësi.