Behrami synon Evropa Ligën me Fiorentinën

Romë, 22 mars - Mesfushori kosovar Valon Behrami i ka bërë të qarta synimet e tij me skuadrën e Fiorentinës. Ai tha se do të ishte shumë i kënaqur nëse Fiorentina do të siguronte një vend në Evropa Ligë, kanë bërë të ditur të hënën mediat italiane. "Objektivi ynë është i qartë dhe ne synojmë të marrim pjesë në Evropa Ligë. Ne mund t'ia arrijmë këtij qëllimi, pasi po ecim mirë në kampionat", ka thënë Behrami. Behrami 25-vjeçar te Fiorentina kaloi gjatë këtij viti nga skuadra angleze West Ham United. Ai ka nënshkruar kontratë deri në verën e vitit 2015. Fiorentina në Serie A zë pozitën e nëntë me 41 pikë të grumbulluara.