Pacolli nesër fillon vizitën në Maqedoni

Prishtinë, 22 mars - Presidenti i Republikës së Kosovës, Behgjet Pacolli do të qëndrojë më 23 e 24 mars në vizitë zyrtare në Republikën e Maqedonisë, me ftesë të homologut të tij, Gjorgji Ivanov.
Presidenti Pacolli gjatë kësaj vizite do të takohet me presidentin e Maqedonisë, Gjorgji Ivanov, me kryetarin e Kuvendit, Trajko Velanovski, si dhe me zyrtarë të tjerë të lartë të këtij shteti fqinj.

Pos në Shkup, Pacolli do të qëndrojë edhe në Tetovë, si dhe do të vizitojë disa kompani të rëndësishme biznesi.