Jackie Chan është gjallë

Ylli i filmave aksion, Jackie Chan, nuk ka vdekur, por është shëndoshë e mirë.
Aktori ka shfrytëzuar profilin e tij të Facebook për të mohuar thashethemet se ‘ai ka vdekur pasi ka pësuar një sulm në zemër’.

Spekulimet se Chan kishte vdekur shpërthyen disa ditë më parë, por ylli i filmit “Karate Kid” thotë se ai është shumë i gjallë, dhe ka postuar një foto ku ka takuar zyrtarë japonezë gjatë të martës, për të dëshmuar se ai nuk ka vdekur.

“Jackie është gjallë dhe mirë. Ai nuk ka pësuar sulm në zemër dhe nuk ka vdekur, siç u raportua në shumë faqe sociale dhe në disa lajme online. Jackie është mirë dhe i zënë duke xhiruar filmin e ardhshëm”, ka shkruar ai në Facebook. /Telegrafi/