Kuçi e Limaj me qëndrime të kundërta

Dy nënkryetarët e PDK-së - Hajredin Kuçi dhe Fatmir Limaj kanë shfaqur të shtunën qëndrime të kundërta lidhur me situatën e krijuar rreth zgjedhjes së presidentit të Kosovës.
Përderisa Kuçi thotë se nuk e konsideron PDK-në si fajtore të krizë së krijuar dhe se kjo parti duhet të kërkojë zgjidhje, Limaj ka thotë se PDK-ja e ka obligim që të konsultohet me partitë politike për të gjetur një zgjidhje dhe një kandidaturë të përshtatshme për president të Kosovës.

Kuçi tha se nëse partitë tjera duan zgjedhje të jashtëzakonshme, edhe PDK-ja është e gatshme për një gjë të tillë. Kuçi tha se nuk është në dijeni së AKR-ja është, duke shqyrtuar mundësinë e daljes së koalicionit, ndërsa Limaj përsëriti edhe njëherë qëndrimin e tij se ka qenë gabim koalicioni i PDK-së me AKR-në.

Si zgjidhe Limaj e sheh ndryshimin e Kushtetutës në pjesën për zgjedhjen e presidentit, ku do të zgjidhej drejtpërdrejt në zgjedhje. Dhe, kjo, sipas Limajt, mund të kryhet brenda afatit gjashtëmujore derisa kryeparlamentari Jakup Krasniqi është ushtrues detyre i presidentit të Kosovës. /Telegrafi/