Mihajloviq nuk ka zëvendësim për Behramin

Romë, 5 prill - Trajneri serb i Fiorentinës, Sinisha Mihajloviq, ka bërë të ditur se askush prej futbollistëve që ka në skuadrën e tij nuk mund ta zëvendësojë mesfushorin kosovar, Valon Behrami. Kështu ka bërë të ditur të hënën për "violanews.com"", një ditë pas ndeshjes që Fiorentina barazoi në udhëtim me Cessenan (2:2). Behrami 25-vjeçar nuk luajti në këtë ndeshje shkaku i një lëndimi që pësoi ditë më parë në ndeshjen eliminatore të "Euro 2012" që Zvicra e zhvilloi kundër Bullgarisë. "Unë u përpoqa me tri ndryshime taktike, por asnjëri prej këtyre futbollistëve nuk e ka mbuluar në mënyrë të plotë boshllëkun në mbrojtje. Ende nuk e kam gjetur një zëvendësim për të", ka thënë Mihajloviq. Behrami te Fiorentina u transferua gjatë dimrit nga West Hami.