Krasniqi mohon kontestimin e zgjedhjes së presidentes

Kryetari i Kuvendit të Kosovës, Jakup Krasniqi, ka mohuar të ketë ndërmend të marrë çfarëdo nisme para Gjykatës Kushtetuese me qëllim kontestimi të zgjedhjes së Atifete Jahjagës presidente të Kosovës.
Ai i tha RTK-së se me gjithë kritikat ndaj hapave proceduralë për këtë zgjedhje, respekton dhe mbështet marrëveshjen me të cilën vendi doli nga ngërçi politik.

Ndryshe, “Zëri” dje transmetoi një shkrim të gazetës serbe “Pravada”, sipas të cilës kabineti i kryekuvendarit Jakup Krasniqi i ka thënë se me Vetëvendosjen do t’i drejtohen Gjykatës Kushtetuese për shkak se “ambasadori amerikan, Christopher Dell ka detyruar Hashim Thaçin, Isa Mustafën dhe Behgjet Pacollin ta nënshkruajnë marrëveshjen për tejkalimin e krizës institucionale në Kosovë, e cila drejtpërsëdrejti është në kundërshtim me Kushtetutën e Kosovës për zgjedhjen e Presidentit”.

Sot kryekuvendari Krasniqi këto pohime i quajti të pasakta. /Telegrafi/