Një anglez ose gjerman, zëvendëson Feithin

Londra dhe Berlini janë pretendente kryesore për të trashëguar përfaqësuesit e BE-së në Kosovë dhe Bosnjë e Hercegovinë.
Nëse përfaqësuesi i Londrës zyrtare vjen në Kosovë, atëherë automatikisht vendi tjetër i takon përfaqësuesit të Berlinit.

Siç shkruan gazeta Zëri, përfaqësuesi i njërit nga këto shtete do të vijë në Kosovë.

Nëse këto dy shtete nuk arrijnë të merren vesh për pozitën e përfaqësuesit të BE-së në Kosovë, ka mundësi që në garë të për të dërguar përfaqësues këtu të vijë edhe Austria.

Sipas burimeve të gazetës në këtë rast në shprehje do të vijë Stefan Lehne.

Javën e kaluar ka pasur një takim ndërmjet përfaqësueses së lartë të BE-së për Politikë të Jashtme dhe Siguri, Catherine Ashton dhe kancelares gjermane Angela Merkel, në të cilin thuhet se është biseduar edhe për praninë e BE-së në Ballkan. /Telegrafi/