Prangosen zyrtarë serbë për dhënie të pasaportave për kosovarët

Janë arrestuar zyrtarë të policë së Serbisë - tre punëtorë në pension të Ministrisë së Brendshme dhe pesë persona të tjerë, për shkak të dyshimit se për para dhe ryshfete të tjera u kanë siguruar shqiptarëve nga Kosova pasaporta biometrike serbe dhe letërnjoftime.
Ata kanë dal të shtënën para gjykatësit hetues në Nish. Mësohet se shqiptarët nga Kosova kanë paguar tre deri në pesë mijë euro për paraqitje të banimit në ndonjë vend në Serbi dhe në këtë mënyrë kanë marrë dokumentet e udhëtimit me kod biometrik me të cilat kanë mundur të udhëtojnë pa viza e pa pengesa në Evropë.

Sipas mediave, serbe praktika e paraqitjes së vendbanimit të rremë është specialitet kudo nëpër Serbi.

Kjo valë arrestimesh e ka vënë në rrezik regjimin e liberalizimit të vizave në Serbi. Pas kontrollimeve shumë mujore, me aksionin e koduar “Bozhur” janë arrestuar 24 persona nga të cilët 16 nëpunës të policisë kufitare nga Beogradi, Nishi e Vranja.

Ata janë arrestuar me dyshimin se kanë ndihmuar azilkërkuesit e rrejshëm të shkuar në vende të BE-së, duke marrë ryshfet së paku nga 100 euro për një certifikate të lindjes, vërtetimin për shtetësi ose vendbanim. /Telegrafi/