Gjeneral amerikan Timothy Orr viziton Kosovën

Një delegacion i lartë ushtarak i Gardës Kombëtare të shtetit të Iovas , të SHBA-ve, të mërkurën, do ta vizitojë Ministrinë e Forcës së Sigurisë së Kosovës (FSK).
Sipas një komunikate për media të FSK-së, delegacionin e udhëheq gjeneralmajor Timothy Orr, të cilin do ta presë ministri i FSK-së, Agim Çeku, komandanti i FSK-së, gjenerallejtënant Sylejman Selimi, si dhe komandanti i Komandës së Forcës Tokësore, gjeneralmajor Rrahman Rama.

Në komunikatë thuhet se gjenerali Orr, në vizitën e tij të parë, do të pritet me nderime të larta shtetërore dhe për nder të tij, do të rreshtohet edhe togu i nderit i FSK-së.

FSK, kohë më parë, ka nënshkruar marrëveshjen e partneritetit shtetëror me Gardën Kombëtare të Iovas. /Telegrafi/