Kompania shpërbleu punëtorët me një orgji

Një kompani gjermane e sigurimeve vendosi t’i shpërblejë
punëtorët për suksesin e treguar në punë në një mënyrë të pazakontë – me
një orgji të mbushur me prostituta.Derisa shumica e firmave
tregojnë vlerësimin ndaj punëtorëve të tyre me një gjysmë dite të lirë
ose me ndonjë pako me shpërblime simbolike, gjiganti i sigurimeve
“Munich Re” vendosi se një natë me seks është mënyra më e mirë për ta
mbajtur stafin të motivuar.
Njëri prej divizioneve të kësaj kompanie, Ergo, pranoi se ishin ftuar
në orgji në një banjë të Budapestit më 2007 për të shpërblyer punëtorët
më të suksesshëm, ku mysafirët kishin të drejtë të merrnin një
prostitutë në shtrat dhe “të bënin çfarë të dëshironin”.
Por, një pjesëmarrës në orgji tha se ajo nuk ishte një orgji e tillë
ku nuk dihej kush kujt po i “gjuhej” por ishte një ngjarje e organizuar
mirë, me prostituta të veshura me rroba nate me ngjyra të cilat merrnin
nga një vulë pasi kryenin shërbimet.
Një dëshmitar anonim i tha gazetës gjermane Handelsblatt se pas çdo
takimi vajzave u vendosej një vulë në krah në mënyrë që të mbajnë
shënime se sa herë secila femër ishte frekuentuar.
Një zëdhënës i Ergo-s i tha BBC-së se kjo ndejë kishte ndodhur
vërtetë, por organizatorët prej asaj kohe kishin lënë kompaninë dhe kjo
“nuk ishte mënyra e zakonshme për shpërblimin e punëtorëve”. /Telegrafi/