Fillon stërvitja e FSK-së “Luani i shkathët”

Forca e Sigurisë së Kosovës (FSK) prej të martës e deri të premten do të mbajë stërvitjen “Luani i shkathët 4”, që do të mbahet në Prishtinë, Ferizaj dhe Istog.

“Luani i shkathët 4” është një ushtrim në vend komandë i drejtuar nga FSK (CPX) dhe është i disenjuar të testojë aftësinë e brigadave, batalioneve dhe kompanive të FSK-së për të planifikuar, koordinuar dhe ekzekutuar një përgjigje për skenarët e ndryshme emergjente në vend.

Pasi që është pjesa e katërt e ushtrimeve të :Luanit të shkathët”, FSK-ja mori rol më të madh në planifikimin dhe koordinimin e ushtrimit që nga fillimi, duke bërë kështu që KFOR të marr një rol më të largët dhe këshillues.

Ushtrimi “Luani i shkathët 4” do të testojë aftësitë e FSK-së në rrugë për arritjen e
kapaciteteve te plota operaconale. Ky ushtrim është gjithashtu përgatitje për ushtrimin fushor në tërë Kosovën, i cili do të organizohet në vjeshtë të vitit 2011.

Ndërsa, të mërkurën, komandanti i KFOR-it, gjeneralmajori Erhard Buehler do të marrë pjesë në këtë stërvitje, njoftoi KFOR-i. /Telegrafi/