Fillon seanca për rastin “Kleçka”

Nën masa të shumta policore ka filluar të hënën seanca gjyqësore
në Gjykatën e Qarkut në Prishtinë lidhur me rastin “Kleçka”, ku njëri
prej të akuzuarve është edhe deputeti i Kuvendit të Kosovës dhe
ish-ministri i Transportit dhe Post-Telekomunikacionit, Fatmir Limaj.Tetë
të akuzuarit janë sjellë në gjykatore me vetura të policisë, ndërkohë
që prokurori i EULEX-it, Maurizzio Sallusstro i ngarkon ata me veprën
penale për krime të luftës lidhur me vitin 1999.
Kjo seancë gjyqësore po mbahet me dyer të mbyllura, ndërsa pritet që
tetë të akuzuarve, gjyqtari i procedurës paraprake t’ia vazhdojë masën e
paraburgimit.
Para tre muajve, të gjithë ata ishin në paraburgim në afat prej 30
ditësh, ndërkohë që pas rishqyrtimit, pesë prej tyre iu vazhdua kjo masë
kurse tre të tjerët u quan në arrest shtëpiak.
I vetmi që nuk është arrestuar është nënkryetari i PDK-së, Fatmir Limaj, i cili gëzon imunitet si deputet i Kuvendit. /Telegrafi/