Të hënën fillon gjykimi për rastin “Kleçka”

Të hënën është paraparë që të mbahet seanca e parë dëgjimore për rastin “Kleçka” në të cilin rast EULEX ka ngritur aktakuzë kundër nëntë personave, përfshirë edhe deputetin e PDK-së, Fatmir Limaj.

Sipas njoftimit të zyrës për shtyp të EULEX-it, nuk dihet nëse do të marrë pjesë në këtë seancë edhe deputeti Limaj, njëherësh nënkryetar i PDK-së.

Limaj nuk ka obligim ligjor të paraqitet në këtë seancë, pasi që gëzon imunitetin e deputetit. Për dallim nga tetë të akuzuarit e tjerë që po mbahen në paraburgim, Limaj as nuk është në arrest e as nuk është konfirmuar aktakuza ndaj tij për shkak të imunitetit të deputeti.

Ndryshe, prej tetë të dyshuarave, tre janë në arrest shtëpiak, ndërkaq pesë të tjerët janë në paraburgim. /Telegrafi/